ANXURUS sive potius ANXYRUS

ANXURUS, sive potius ANXYRUS

nomen est, quô Iuppiter a Campanis vocabatur, qui maxime Auxuri colebatur imberbis, vel quasi ἄνευ τȏυ ξοροῦ, sine novacula, quia barbam numquam rasisiet. Servius, in illud Poetae Aen. l. 7. v. 799.

Circeiumque iugum; queis Iuppiter Auxurus arvis

Praesidet. --- ---

Ubi Axurus. de la Cerda contendit legendum. Sane Pausan. in Eliacis prioribus meminit duplicis simulacri Iovis οὐκ ἔχοντος γέεινα, non habentis barbam. Porro de nummo quodam Iovis aut Axuri aut Crescentis vix est, qui non meminerit eruditorum; Germanus, Laevinus, Scaliger, Ortelius, Dalechamvius, et alii. Non omittendus hic Statii locus Theb. 10. v. 61. de Templo sacro et Iunoni puellae, et Iovi Axuro:

Ipsa illinc magni thalamo desponsa Tonantis

Expers connubii, et timide positura pudorem,

Lumine demisso pueri Iovis oscula libat

Simplex, et nondum furtis offensa mariti.

Neque Claudiani, de 4. Consulatu Honorii v. 195.

Talis ab Idaeis primaevus Iuppiter antris

Possessi stetit arce poli, famulosque rccepit

Natura iradente Deos: lanugine nonaum

Vernabant vultus, nec adhuc per colla fluebant

Moturae convexa comae: tum scindere nubes

Disccbat, fulmenque rudi torquere lacerto.

Aliam eiusdem parvuli Iovis imaginem repraesentat Stat. l. 1. Achillcid. v. 588. in hunc modum:

Sic sub matre Rheâ iuvenis regnator Olympi

Oscula securae dabat insidiosa sorori

Frater adhuc, medii donec reverentia cessit

Sanguinis, et versos germanae expavit amores.

Iovis etiam pueri meminit Apollon. l. 1. Argon, dicitur ab eo κοῦρος et ἐπὶ φρεσὶ νήπια εἰοὼς. Et Nonnus Dionysiacwn l. 41. his versibus:

Ζεὺς τότε κοῦρος ἔην, ἔτι ποῦ βρέφος, οὔποτε πυκνῷ

Θερμὸν ἀναχίσασα νέφος βηταρμονι παλμῷ

Ἀςτεροπὴ σελάγιζε. --- ---

Nummus Pansae et Vibii, cuius meminit Constant. Landus. Numis. in cuius parte alterâ erat IOVIS AXUR. in altera imago barbata, sed intonsa: Unde colliges, non semper Iovem Axurum sumi pro Iove puero, sed etiam pro Iove intonso, quasi ἄνευ ξυεοῦ, ut qui numquam egeret novaculâ, semper enim tonsus erat, etiamsi grandis fuit. Nic. Lloydius.